வேகமான மற்றும் விலை குறைவான இணைய சேவையும், பண பரிவர்த்னைகளை எளிதாக்கிய இணையதளங்கலும் நம்மில் பலரையும் இணையம் வழியாக பொருள்களை வாங்க வழி வகை செய்துள்ளன. இன்றும் பலர் eBay வழியாக வாங்கும்போது… “இவன் பிராடா இல்லையா.. ஒழுங்கா செல்போன் வருமா இல்ல; செங்கல் பார்சல் பன்னி அனுப்பிடுவானா” என யோசித்துதான் பலரும் இணையத்தில் பொருள் வாங்குகிறோம் .
அமெரிக்காவின் மாபெரும் இணைய விற்பனை நிறுவனமான Amazon தமது வாடிக்கையாளர்களை கவரும் வகையில் ஒரு பெரும் முயற்சியை எடுத்து வருகிறது. நீங்கள் வாங்கும் பொருள் வாங்கிய அதே நாளில் உங்களின் கைகளில் கொண்டு சேர்ப்பது தான் அது.
இதற்காக பெரும் சேமிப்பு கிடங்குகளை San Francisco, Nevada, Arizona பகுதிகளில் கட்டி வருகிறது.
Los Angeles, New Jersey, South Carolina, Tennessee & Virginia ஆகிய பகுதிகளிலும் கட்ட இருக்கிறது.
அதன் நோக்கம் என்னவென்றால், அமெரிக்கா முழுவதும் உள்ள முக்கிய நகரங்களுக்கு சுமார் 85 மைல் தொலைவில் ஒரு கிடங்கு எனும் விகிதத்தில் அமைக்க உள்ளது. இதனால் தனது வாடிக்கையாளர்களுக்கு மிக மிக திருப்தி அளிக்கும் சேவையை வழங்க முடிவெடுத்துள்ளது .
இந்தியாவில் நாம் வாங்கிய பொருள் வரும் வரை, தேதி பார்த்து தவம் செய்வோம். இனி அமெரிக்கர்கள் சில மணி நேரங்களிலேயே வாங்கிய பொருளை கையில் அடைவர்.
